|
(Verfasser Theo)
Ech möchte mech a dere Schtöu no einisch ganz härzlech be allne Protagoneschte vo dem geilschte Weekend sed langem bedanke! Wenn die 48 Schtond vom FR-Obig bes geschter Obig ned grockt hend denn weissi aso au ned!! Esch eifach legendär gseh ond ech freue mech jetz scho ufs Grömpi-AS-Fäscht-Weekend 2006!!
Ond wöu das Weekend so de Hammer gseh esch, versuech ech jetz a dere Schtöu d'Ereigniss nomou in graffter Form darzschtöue! Ech bette om Entschoudigong falls ech ned alles gnau eso wedergebe wies werklech gseh esch, ech be haut au echli agschlage gseh, versueche aber mis beschte! Im Notfall treffi eifach Anahme....
FREItag, 24. Juni
17:30 D'Mannschaft "100 Jahre Zunft zum Schiff" trefft vollschtändig im Seefäud i! Nome de Bomber aus Bombay fählt, deför esch üses Maskottchen, de Tschigi, debi! No nüd dütet uf die kommende Ereignis he...
18:00 Alli send omzoge ond heiss ufs Dorfturnier! Üse 1. Gägner, d'Mädels vom Blaureng, fägemer schonend meteme 6:0 vom Platz!
18:15 De Chratzinho ond de Hans gönned sech s'1. Bierli uf dä wechtig Sieg!
18:33 Au gäg üse 2. Gägner gwönnemer ohni Müeh - de Tschigi freuts!
18.47 De Chratzinho ond de Hans gönned sech es Bierli uf dä wechtig Sieg!
19:06 Im 3. Gägner ergohds ned besser weder de vorhärige bedne! De Tschigi freuts no meh!
19:15 De Chratzinho ond de Hans gönned sech es Bierli uf dä wechtig Sieg! Jetz dänkt sech au de Burri Burri Burri er möig langsam afoh inebiere! E fatale Entscheid wo no werd Konsequänze ha....
19:47 Im letschte Groppeschpel gäge Schiclob gehds es Onentsche - mer schtönd dodemet as Groppesieger fescht - d'1/4-Final wartet! De Tschigi freut sech emmer meh!
20:03 Ech probiere eine vo dene feine Hamborger! S'Grillteam macht e fröhleche aber emmer no guete Idrock...
20:05 De Chratzinho ond de Hans gönned sech es Bierli uf die ¼-Finalqualifikation! De Burri Burri Burri leider au no eis! Ond ech öberschnorred de GB dezue, au Mou eis met mer z'trenke!
20:29 De Bomber aus Bombay trefft i - d'Mängi tobt! Er lohd sech aber ned dezue loh bewege no i d'Hose z'schtige!!
20:33 De ¼-Final werd locker gwonne! De Tschigi esch ganz usem Hüsli
20:42 De Chratzinho ond de Hans gönned sech es Bierli uf die ½-Finalqualifikation! De Burri Burri Burri au no eis….
20:45 D'Conny M. ond d'Hefe eröffnet d'Grömpi-Bar! Die 1. Flying-Horber wanderet öber d'Theke! Es wärded ned die letschti si....
21:13 Onglaublech aber wohr - mer gwönned au no de Haubfinal! De Tschigi weiss nömme was passiert!! FINALE!!!!!!!!!
21:22 De Chratzinho ond de Hans gönnes sech es Bierli! De Burri Burri Burri au no eis….
21:50 De GB macht e fatali taktischi Fählentscheidig ond schtöut d'Mannschaft uf de Final he völlig om!!! Never tscheinsch e winning Tim heisst doch amigs!!!!!!!! Met dere Ufschtöuig chömmer eifach ned gwönne ond verlüred de Final gäge Schiclob leider met 1:2! Trotzdem semmer ned trurig - de 2. Platz esch sensationell, de Tschigi hed mega Freud ond de Schenke hemmer uf secher!
22:05 Mer gönned üs alli zäme es Bierli uf dä super Erfolg! D'Rangverköndigong fohd a!
22:12 De Bomber aus Bombay gohd för d'Zonft noch vöre ond chond de Bon öber vör de wohlverdienti Schenke!
22:13 De Bomber mues de Schenke im Clobbeizli gho abhole!
22:14 De Schenke esch doch ned im Clobbeizli! De Bomber lauft weder zrogg zom Jurywage!
22:15 Nei, de Schenke esch au ned bem Jurywage!
22:16 Ändlech klappeds!! Der Schinken ist unser!!!
22:25 E Traum gohd in Erföllig: met de Hölse onder de Duschi!!! Mer fiired üse 2. Platz ond au de Tschigi werd rechtig nass!
22:27 De 2-beinig Tschigi mues no gho Nochschub hole - die 60 Flying Horber länged niened äne!
22:28 De Burri Burri Burri wott heigho! Mer chönd ehn aber öberrede zom no eis cho näh i d'Bar!
22:35 Ech rauche met em Hans zäme e Siegesschtompe!
22:45 De Hans zahlt allne vo de Mannschaft es Bierli im Barzäut!
22:53 Ech öbernehme s'DJ-Polt! "Jailhouse Rock" vom Elvis esch de 1. Knaller woni brenge!
22:57 De Burri Burri Burri hätti gärn echli Rock! Ehr sett zwar hei, entscheided sech aber doch no eis z'näh...
23:10 De GB betrett s'Barzäut! Er werds för die nöchschte 7 Schtond nome no im Notfall verloh....
23:20 De Märtu wett langsam hei! Er säid allne Mou tschüss lauft denn aber dommerwis a Chratzinho ufe ond nehmt no e Flying met ehm!
23:45 Die 1. Musigwönsch erföll ech alli gärn! De Burri Burri Burri chond Freud a de chlinere Barmaid öber ond hanged sech echli a sie ufe!
24:00 Tag 1 ist zu Ende!
DEINE ELTERN WARN GESCHWISTER....
Samstag, 25. Juni
0:05 De Märtu wett langsam hei! Er säid allne zom 2. Mou tschüss! Dommerwis lauft er aber weder ufe Chratzer ufe - weder mues e Flying dra glaube!
0:13 Irgendöper hed im Burri Burri Burri gschteckt, dass es sech be dere chline Barmaid om d'Conny M. ond somet om mini Fröndin handlet! Er gsehd d'Ussechtlslosigkeit vo sim Handle i ond loh d'Fenger vo ehre...
0:25 De Märtu wett langsam hei! Er säid allne zom 3. Mou tschüss! Dommerwis......
0:40 De Burri Burri Burri hed no e chlineri entdeckt! Es handlet sech ome FernandO! Lideschaftlech hanged er sech a sie ufe!
0:55 De Hösi chond s'1. Mou is Zäut ine!
01:14 De Märtu wett langsam hei! Er säid allne zom 4. Mou tschüss! Leider längeds au dämou ned ganz!
01:25 De Burri Burri Burri mues vom Schtuder chli a die chüehli Loft use zom beruhige beförderet wärde!
01:55 De Märtu....! Nüd gehds, du blibsch!
02:00 S'Grillteam hed langsam Müeh met schtoh ond entscheided sech de Schtand decht z'mache! E weise Entscheid - as frässe dänkt eh niemer meh!
02:13 Ech loh "Summer of 69" ab! D'Hefe gehd mer för das e Koss uf d'Bagge! Ech dopple met "Highway to hell" noche!
02:48 De Märtu entscheided sech langsam hei z'gho! Er säid allne tschüss ond.... ER SCHAFFTS!!
02:52 D'FernandO gohd au hei - esch aber nömme i de Lag sech z'verabschede!
03:05 De Hans chond es ominöses Telifon vo de Liche öber - de Burri Burri Burri werd vermesst! Sofort reagiert de Hans ond bietet de GB zor Suechaktion uf!
03:04 De GB verloht s'1. Mou sed 4 Schtond s'Barzäut!
03:20 Uf de Bouschtell werd de Burri Burri Burri ned entdeckt! De Roland chehrt zrogg is Barzäut!
03:45 Ech lohd d'Schteiner Chöubi ab...
03:55 De Hans suecht met em Velo d'Schöngrondschtross ab! Das fallt ehm ned schwerig - er fahrt vo eleige zickzack! Er entdeckt de Burri Burri Burri vor sinere Hustöre...
04:15 D'Hefe gohd hei! Ech nehme met em 2-beinige Tschig zäme e Flying Horber! Die choschtet mettlerwile nome no 5 Franke....
04:50 Nome no de herti Chärn esch awesend! S'Grillteam ghört erfreulecherwis dezue!
05:03 De Chratzinho ond de Bulle säged de letschte Flying Horbers no de Kampf a!
05:20 Mer ghänd ned uf! Ech loh eifach no die CD's ab wo mer grad i d'Fenger chömed! No es Bier bitte!
05:30 De GB schteftet mech dezue a via Mikrofon e Original Heindl-Goal-Orgasmus vorztüsche! Ech han e schiss Freud ond mache das grad!
05:40 Irgend sone Clown met em Holländer-Libli chond zo mer ond säid ech möigi ufhöre, söscht chiemi d'Polizei! Jo hallo hallo hallo - gohds no? Ech ha doch grad "Dirty Old Town" ob, das chönder jetz ned brenge!
05:43 De GB ond de Tschigi öberreded mech doch ufzhöre met uflegge...
05:48 Ech treffe de Entscheid met e Velo ond 2 CD-Goffere heizlaufe!
05:51 Dä Entscheid rächt sech s'1. Mou - vor de Seefäud-Arena legg ech metsamt em Velo ond de bede Goffere a Ranze! Ond die neue Hose hend scho es Loch!!!
05:52 Ech be am öberlegge öb ech öberhaupt no söu ufschtoh oder grad legge blibe! D'Silvia Haas ond ehre Maa chömed z'laufe! Sie hend Verschtändnis för mini Situation chönd mer aber au ned höufe - sie müend säuber luege dass sie ned omkeied!
05:54 Ech laufe witer!
05:56 Ech laufe weder nömme sondern legge weder! Huere Seich emt dene CD's!!!
06:10 Ech has gschafft - be dehäime!! Mini Muetter luegt mech chli schräg a!! Wieso dass ech so komisch usgsächi nocheme Grömputornier! Hoho, du besch au no e loschtigi du....
06:22 Ech lüte de Conny M. a ond froge wenn sie heichond! Sie esch scho onderwägs! De GB seig e blöde Wexer!
06:28 Ech lüte im GB a ond froge wies im Tschigi gohd! Im Tschigi gohds guet, er esch am tröchne! D'Conny M. seig e blödi Mallorca-Schlampe! Jojo, ehr mech au!
06:35 D'Conny M. chond hei - ech schlofe i!
07:30 De Chratzinho, zwöibeinig Tschigi ond de Bulle laufed hei! De Moos Otti vom Zentrom wott de Chratzinho no zom Zmorge ilade - dä lehnt dankend ab!
07:50 De GB öberläid öb er sini lang ersehnti Schuelbsuech söu wornäh?
07:52 Im GB sini Antwort uf die obigi Frog lutet NEI!
07:53 De GB macht no es Bsüechli bem Rolf sinere Prinzässin.
07:54 Prinzässin hauts im Bad om ond streckt alli viere vo sech, de GB hed kei lost meh ond werd vom Rolf heigfahre.
alli Schlofed
16:25 Ech schtoh langsam weder uf!
18:00 Zäme met em GB fahr ech met em Bus uf LU-City - Autschtadt-Fäscht!
18:20 Mer träffed de Chratzinho ond de Hans be de Dudelsackblöser! Erfahrige vom Vorobig wärded ustusched!
18:30 So nämemer weder es Bierli!
18:45 Mer träffed i de Bahnhofschtross de Schmeter & friends! Göwssnigi send nochli agschlage....!
19:15 Mer ghönd ufe Wymärt de Rick Laine Club gho lose! Super Sach! De GB werd mehrmols met Bier dusched!
20:30 Bem ChueLee-Konzärt heds zvöu Lüüt - mer trenked lieber no gmüetlech eis!
20:55 Mer träffed de Hans, de Chratzinho ond de Bomber aus Bombay! Mer nämed no e Sweets zäme!
21:30 De GB ond ech ghönd ufe Chornmäärt as 7tcover-Konzärt!
22:20 Es rockt gwaltig! D'Fraue träffed no i - aber dene gfallts ned eso! Weicheier!!!!
22:55 De Gaschtsänger - e 200-Kilo-Bombe us Indie (do hätt üse Bomber ke Chance!) gehd alles!! Smoke on the water….
23:20 De Adi Schnyder trefft i, macht aber e sehr e agschlagne Idrock!
23:35 D'Raffi O. chond au no!
23:30 De Märtu ond de Thalme laufed verbi! De eint metere Fläsche Martini, de ander meteme Denner-Bier... chond das guet?
23:35 De Adi Schnyder haut ab - es gohd ehm glaubs ned so guet...
23:52 Mer träffed de Schtötzu ond de Mäsi!
24:00 Tag 2 ist zu Ende!
....UND DEIN BRUDER DER IST SCHWUL....
Sonntag, 26. Juni 2005
0:02 De Tschigi ond d'LangnOUerin chömed! Ech begrüesse sie schtandesgemäss meteme Loftgitarre-Solo!!!!
0:10 D'FernandO fahrt met em Velo hei vom AS-Fäscht! Do chond e Polizeipatrouille dehär ond frogt sie, öb sie scho chöig Auto fahre! Sie säid nei, sie segi zo z'chli deför! Trotzdem mues sie is Röhlrli blose! 0,1 Promille => Weichei!!
0:40 D'Band gehd nomou alles zom Abschloss! Highway to hell!!!
01:00 S'Konzärt esch fertig! De GB ond ech ghönd no I Subway e Pizza gho ässe ond denn hei!
13:00 D'Mann- ond Frauschaft "GB; lass die Hosen runter" trefft sech im Seefäud! Es setti e grosse Tag wärde!
13:30 -17:00 Mer qualifiziered üs metere grossartigi Leischtig för d'Haubfinal! De Präsi vom FC Horb hed afänglech chli Müeh met üsem Name, schaffts denn aber doch einigermasse! Üsi Fraue schpeled guet, d'Männer nochli besser, ech meischtens gar ned ond de Tschigi hed weder rüüüdig Freud!
17:45 De wechtigscht Sieg vom ganze Tornier: im Penautyschiesse rüeremer de Nössli ond sini Lompemannschaft zom Tornier use!!! FINALE ZOM 2.!!!!
18:30 Onglaublech aber wohr!! Gäge Tännler ond de FCH-Wanderpokal setzemer üs döre ond gwönned das Tornierli! SIIIIEEEEG!!! Tschigi olé olé olé!!!!
18:45 Ech schmeisse e Sieges-Rondi Lager-Bier!
19:05 De 2-beinig Tschigi cha schtolz de 2. Schenke de Pokal ond e 150-Franke-Guetschin vom Schwändubärg entäge näh! Wo mer merked, dass es im Pokal enne Schämpis hed, secklemer alli au vöre...!!!
19:15 D'FernandO entscheided sech ohni z'dusche a d'Blaureng-Rondi z'gho...
19:25 Mer andere ghönd gho dusche - de Tschigi wird weder nass! Ond de GB lohd ändlech d'Hose abe!!
19:55 Mer frässed no die vörig Wörscht ond Steaks ond nämed no es Bierli!
20:05 Ech verloh zäme met de Conny M. den Ort des Triumphes ond gho hei...! S'Weekend gohd z'Ändi.....
....DEINE SCHWESTER EINE SCHLAMPE UND DEIN HUND DER IST KASTRIERT!
|
